揽炒派谭凯邦袁浩伦辞任区

咩叫鸡咁脚走？睇下近日班区议员一个二个赶住辞职咪知囉。自从特区政府计划引入区议员宣誓嘅规定，唔少揽炒派区议员都慌失失咁陆续以唔同借口辞职。北区区议员袁浩伦、同埋上年有份参加民主派违法"初选"而正被还柙嘅荃湾马湾区议员谭凯邦噚日继续接力宣布辞职。唔少网民就话，呢啲咪叫揽炒成功咯。

谭凯邦光辉嘅议员生涯最经典嘅一幕，应属喺区议会会议上叫一哥去试下电枪威力， 不过佢呢啲言论即场被市民KO，市民就反驳呢个撑黑暴嘅人唔去试下啲汽油弹？激到佢发烂渣朝市民怒吼，赶市民出去。

不过呢，噚日谭凯邦就喺facebook宣布辞职，仲要换咗个嘴脸，扮同市民难舍难分。佢话，自还柙以嚟好难接收信息，加上无办法直接会见求助的市民，令到佢无办法接受自己"长期无法亲自执行区议员职务的情况"，于是决定辞职。佢仲同班荃湾居民道歉，话自己将来无论喺咩岗位，都可以为环保出一分力咁话。

而袁浩伦就喺facebook发帖，声称自己上周五已正式向民政总署递交辞任信，扬言系因为拒绝宣誓而辞职。

网民讥"咁大个人第一次做对事"

对于佢哋唔捞，唔少网民都"开香槟"庆祝。"Ah JoHn"就话："佢真系好有心咁做……""Paul Him"话："道乜×嘢歉？荃湾人民多谢晒你啦，送×走你条瘟神，荃湾人民准备放烟花庆祝！""CF Kwan"赞佢哋："咁大个人，第一次做对事啦！""Tsui Tsui Tsui"就话："早走早着（着）"。而"Wai Tang"就怀疑："辞职肯定身有×过唔到（香港）国安法，费事俾政府DQ仲要赔钱。""Lam Ling"直言："环保人仕（士），请讲讲日本核废水有乜动作，点解龟缩。"

睇住一个二个揽炒派区议员辞职，有唔少网民都表示羡慕又妒忌当区市民，个个都话希望自己嗰区个区议员都会跟住辞任。

来源：文汇报